Dronninngi tassaarsuarmit eqqugaasunut misiginneqataasoq

- Kalaallit Nunaanni pinngortitarsuaq tikeraartunut tamanut misigisaqartitsisarpoq (…) Kalaallit Nunaannili pinngortitaq aamma naakkittaatsuusinnaasarpoq, ataqqinartorsuaq Karrat Kangerluani juunip ulluisa 17-ianni 2017-imi ajunaarnersuaq pillugu oqarpoq.

- Ilaqutaasut asasatik annaavaat, amerlasuullu inuussutissarsiornerminni tunngaveerupput. Piffissaq taanna oqimaatsorsiorfiuvoq, inuillu tamarmik ataatsimoorlutik ikiuiniarmata, peqatigiinnerup pingaassusaa erserpoq, Dronning Margrethe ukiortaamut oqalugiarnermini oqarpoq.

AAMMA ATUARUK Ataqqinartorsuup dronningip eqqugaasut misiginneqatigai

Dronning Margrethe Prins Henrikilu aningaasaateqarfiminnit 200.000 koruuninik eqqugaasunut tunissuteqarput. Kunngikkormiut ilaqutariippassuarnut ajunaarnersuarmit, sisamanit ajunaarfiusumit, eqqugaasunut pisortatigoortumik inuulluaqqusipput.

Dronning Margrethellu misiginneqataalluni ukiutoqqami oqaatigeqqippaa.

- Eqqugaasut tamarmik unnuaq manna misiginneqataallunga eqqarsaatigaakka. Kalaallit Nunaanniittut tamarmik ukiortaamut iserluarnissaannik kissaappakka.

AAMMA ATUARUK Tassaarsuaqarneranik eqqugaasunut tunissuterpassuit