Dronningili ileqqumisut Danmarkimi ukiutoqqami decembarip ulluisa 31-anni unnukkut nalunaaqutaq arfinermut oqalugiassaaq. Kunngikkormiut tusagassiutinut taama nalunaaruteqarput.Assi: Mads Claus Rasmussen/Ritzau Scanpix

Dronningip ukiortaami ilasseqatigiissitsinissani taamatikkaa

Ukiortaami ilasseqatigiissitsinissaq covid-19-ip tuniluunnera peqqutigalugu taamaatinneqartoq, kunngikkormiut ilisimatitsipput.

Kunngikkormiut ukiortaami ilasseqatigiissitsisarnerat coronap ajornartoortitsinera pissutigalugu taamaatiinnarneqarpoq.

Kunngikkormiut tusagassiutinut taama nalunaaruteqarput.

Taama aaqqissuussisarneq ataasiaannarluni siornatigut taamaatinneqarnikuuvoq. 2005-imimi ilasseqatigiittoqarnissaa Asiap kangimut kujasissuani 2004-mi juullimi tassaarsuaqarnerata kingorna taamaatiinnarneqarpoq.

Ukiortaami ilasseqatigiinnissaq aappaagu januaarip aallaqqaataani pisussatut pilersaarutaagaluarpoq.

Danmarkimi naalakkersuisut, Danmarkip pisortatigoortumik sinniisui, Kalaallit Nunaat tassani ilaalluni, Folketingip siulittaasua kunngikkormiullu nerersuaqatigiinnermi tassani peqataasaraluarput.

Taarsiullugu Christiansborgimi januaarip ulluisa sisamaanni annertunngikkaluartumik ilasseqatigiittoqassaaq.

Ministeriuneq Mette Frederiksen Danmarkillu sinniisai arlallit tassani qaaqqusaapput.

Dronningili ileqqumisut Danmarkimi ukiutoqqami decembarip ulluisa 31-anni unnukkut nalunaaqutaq arfinermut oqalugiassaaq. Kunngikkormiut tusagassiutinut taama nalunaaruteqarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat