VIDEO Dronningip Qullissarmiuusimasut nuannersunik eqqaasassaqalersippai

Nuannannersuaqarpoq. Ataqqinartorsuarmi Dronning Margrethe uinilu tikeraarput. Qullissanili inuuneq nuannaarfiujuaannarsimanngilaq. 

- Eqqaamasakka imaannaanngillat, Thorkild Jeremiassen KNR-imut oqarpoq.

Aamma atuaruk Kuupik: Dronningi qullissarmiuusimasunut ataqqinninnermik takutitsivoq

Eqqaamasaami imaannanngillat, tassa Qullissat 1972-imi matuneqarpoq. Illoqarfigisaq asasaq pinngitsaalisaalluni qimattussanngornera, artornarsimaqaaq.  

- Tassa uanga eqqaamanerpaajuara katersortarfitsinni taakani aallartoqarniartillugu inuulluaqqusisarnerat taavalu naggataatigut ”Nunaga aa nunarsuup avannaani” atorneqartarluni, taanna uanga ukiorpassuarni, nuutsitaareernerup kingorna, tusaassallugu anneralugu raatiu qamittarnikuuara, Thorkild Jeremiassen oqaluttarpoq.

Aamma atuaruk VIDEO Upernavimmi kunngikkormiunik naapitseqqinneq

Tikeraartoqarneq aliasunnermiit nuannaarnermut sangutinneqarnera, ippassaq aamma naqissuseqqinneqarpoq. 

- Naalliuuteqaannarluta ingerlaannarsinnannginnatta allanngortariaqarpoq inuuneq, aamma akuerinikuuarput kisianni ilaqarpugut suli akuersiumanngitsunik, Thorkild Jeremiassen oqarpoq.

Thorkildip illoqarfigisimasani maannamullu aasat tamaasa tikittakkani asaqisani, Ataqqinartorsuarmut ilisaritippaa.

Aamma atuaruk VIDEO Ukkusissani utoqqaanersaat kunngikkormiunik pulaartoqarpoq

Qullissani tikeraareerlutik Ataqqinartorsuaq uinilu aallarput, Thorkildellu nuannaarneq pilluarnerlu misigisimavai. 

- Assorsuaq eqqissiallaqaagut, aamma eqqissiallappunga, uanga qamuuna pikkunartumik aamma misigissutsikkut tigugakku, Thorkild Jeremiassen oqarpoq.