Dronningip illussaarsua aserfallassimaqaaq

Kunngikkormiut illussaarsuat Amalienborg nutarterniarneqalerpoq. Kunngi Frederik qulingiluaat dronning Ingridilu 1935-mi katissammatali nutarterniarneqarsimagaluaq piviusunngunngimmat, maanna piffissaasorineqalerpoq paniata dronning Margrethep prins Henriullu najugaat iluarsaanneqassasoq.

Christiaat arfineq-pingajuata illussaarsuata iluarsarnerani paasineqarpoq Amalienborgip sannaasa ilaat asiulersimasut. Quassuttuut qarmaassat, imaaliallaannarlu iluarsineqarsinnaanngit ima oqummit asiulersimatigipput pinngitsooratik taarsertariaqalerlutik.

Danskit inatsisartui Folketinget 2002-milu 112 mio. kr.t illussaarsuup iluarsaanneqarnissaanut aningaasaliinissamut akuersipput. Siorna ukiormannalu allatut ajornartumik aningaasaliissutit immikkut 16 mio. kr.nik tapertariaqarsimapput.

Kunngip Frederikup dronning Ingridillu iluarsaanneqarnissaanut kinguartiterisarsimanerat maanna iluarsiniarneqalerpoq.

Illussaarsuaq Amalienborg ukiunik 250-inik pisoqaassusilik kunngissap Friiariup nuliatalu Maryp siunissami najugarissanngilaat, Frederik arfineq-pingajuatali illussaarsua kunnginngorunik nutserfigisussaassavaat.