Dronningip ceremonimesteria: 'Kalaallit Nunaat asavara'
Christian Eugon Olsen 1990-miit Dronningip ceremonimestererivaa. Atiimisullu Egon Olsenitut pilersaarusiortarpoq pisussat piffisalersorlugit tamarmillu ajunngitsumik ingerlanneqarnissaannik suliaqartarluni.
Kunngikklormiut pisortatigoortumik Danmarkimi nunani allani maannakkullu kalaallit nunaanni angalaneranni pisissussat tamaasa aquttarpai.
Kalaallit Nunaani angalasarnerit arlaqartut aaqqissuussiffigisai, suliaanut nalinnginnaasumit unamminartuunerusarput.
Kalaallit Nunaanni angalatilluni imaannaangitsuusarput
Pissutsit amerlasuut pissutigalugit suliagut allanngortittariaqartarput,
Ulersuartoqarnera pissutigalugu ingerlariaqqissinnaanngilagut, qanormi iliussaagut ? timmisartorsinnaavugut, Christian Eugon Olsen kalaallit nunaanni angalasarnermini aporfisartut eqqaavai. Angalanerit allanguuteqartillugit, pisussat allannguutaannik pilersaarusiortoqartarput, assigiinngitsunik sisamanik, Dronning angalaleraanga pilersaarusiortartoq Christian Eugon Olsen oqarpoq.
Dronningimik sulisitsisoqalernissani sioqqullugu obertsløtjnantiuvoq, taanna iluaqutigalugu pilersaarusiornermik suliaqartuuvoq. Officeritut ilinniarsimasugaani assigiinngitsunik iluaquteqarpoq, soorlu pilersaarsiorsinnaaneq ajornartuuvittoqartillugu. Maannakkullu atorfigisamini tamanna atorluarsinnaa.
- Kalaallit Nunaat inuttaalu nuannarisorujussuuaka, Kalaallit Nunaat nunama aappaattut naatsorsuutigingajattarpara.
Pinngortitaq immikkut illuinnartoq aammalu assissaqanngitsoq pingaarnertut oqaatigisariaqarpara.
Kalaallit pinngortitami ukiorpassuarni najugaqarfigisimasaminni naleqqussartuarsimapput taamaannerallu ataqqisorujussuuara.
Eugen-Olsen martsip qaammataani 70nik ukioqalerpoq, aappaagu Dronning Margrethe dronningiunerminik ukiunik 40inngortorsioreerpat suliunnaarniarluni oqarpoq.