Polaroid-imi kalaallit isiginnaartitsisut sisamat – Det Kongelige Teaterimi ullumi isiginnaartitsinerminni kunngikkormiut issiavigisartagaannut qiviarunik immaqa annilaammisaarsimasinnaapput.
Tassami Dronning Margrethe uialu Prins Henrik tappikani isinnaartuusimapput.
Polaroid – mi isiginnaartitsisut sapaatip-akunnera kingulleq iluatsilluartumik Nuummi isiginnaartitsipput. Ullumilu operahusitaami Københavnimiittumi isiginnaartitsimmata kunngikkormiunik isiginnaartoqarnissaat isertuunneqarluinnarsimavoq.
Taamatut isiginnaartitsinissaq Nunani avannarlerni piorsarsimassutsikkut attaveqaataasumit NAPA-mit aaqqissuunneqarpoq. – Siullerpaamillu aatsaat Det Kongelige teaterimi kalaallinik isiginnaartitsisoqarluni.
Maanngaanniit isiginnaartitarput oqaluttuarpoq, isiginnaartut nikuillutik sivisoorujussuarmik ersaattaassimasut.
Taassumalu misigisani qanoq oqaluttuariumaarneraa radio aviisimi aqagu itinerusumik tusassajunnarsivarput.