- Uuma pingaaruteqartorujussuunera arajutsinaveersaarnissaalu pingaaruteqartupilussoq qularnanngilaq. Uiverlunili ajornartorsiutinik aaqqiiniarneq pitsaanngilaq. Taamaattoqassanngilaq, dronninngi oqarpoq.Assi: Mads Claus Rasmussen/Ritzau Scanpix

Dronningi: Silap pissusiata allanngoriartornera uivissutigisariaqanngilarput

Silap pissusiata allangoriartornera pissutigalugu ajunaarnersuaqarnavianngilaq, dronningi Politikenimut oqarpoq.

Silap pissusiata allannanngoriartornera inuiaqatigiitttut uivissutigisariaqanngilarput.

Dronning Margrethe silap pissusia pillugu Politikenimit sapaatit akunnerata siuliani apersorneqarluni taama oqarpoq.

- Uuma pingaaruteqartorujussuunera arajutsinaveersaarnissaalu pingaaruteqartupilussoq qularnanngilaq. Uiverlunili ajornartorsiutinik aaqqiiniarneq pitsaanngilaq. Taamaattoqassanngilaq, dronninngi oqarpoq.

Silap pissusiata allanngoriartornera dronning Margrethep ajunaarnersuartut isiginnngilaa. Taanna 80-iliinissaminut atatillugu apersorneqarami taama oqarpoq.

Silap pissusia allanngorartuartarpoq 

Taassuma oqaluttuarisaanermi malinnaasarsimanini isummernerminut tunngavilersuutigaa, minnerunngitsumik qangarsuaq pereersunut malinnaasarsimanini.

- Taamaalillunilu qangarujussuaq pisunut ilaliussilluni isiginnittoqarsinnaavoq. Taavalu pissutsit allanngorartartut naluneqanngilaq. Silap pissusia allanngoreersoq allanngorartuartartorlu aamma naluneqanngilaq, dronninngi Politikenimut oqarpoq.

Silap pissusiata allanngoriartornera inunnit pilersinneqartoq, ilisimatuut oqaatigisarpaat, tamannalu pillugu qanoq isumaqarnerluni dronningi aperineqarami ima akivoq:

- Inuit silap pissusiata allanngoriartorneranut pissutaaqataasut qularineqarunanngilaq. Toqqaannartumilli pilersitaanera qularutigiunnaavinnikuunngilara, dronninngi oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat