Dronningi pilluaqqusinnaavat
Innuttaasut Dronningimik pilluaqusisinnaanissaannik periarfissiiniarlutik borgmesterit aalajangersimapput.
Pilluaqqusinissamik allattuiffiit taamaammat kommunit allaffiini innuttaasunillu sullissivinni tamani ullumimiit januaarip 13-iata tungaanut saqqummitinneqassapput, innuttaasut pilluaqquserusuttut pilluaqqusisinnaaniassammata.
40-nngortorsiorlunilu nalliuttorsiortoqalerpat pilluaqqussutit ataatsimoortunngorlugit puisip amianik ungalulikkat Dronningimut nassiunneqarumaarput.
Borgmesterit Simon Simonsen, Asii Chemnitz Narup, Hermann Berthelsen aamma Jess Svane tusagassiuutinut allapput:
- Kunngikkormiut Kalaallit Nunaannut kissalaartumik attaveqarput. Tamannalumi Dronningip tikeraartarnerini tamani ersarilluinnartumik malugisarparput, kingullermik 2011-mi aasaanerani. Taamaattumik innuttaasut kikkulluunniit Dronningimut pilluaqqussuteqarnissaannik periarfissikkumavavut. Kunngikkormiuniillu nuannaarutigineqarlutillu ilassilluarneqarnissaat neriuutigaarput ilimagalugulu, borgmesterit sisamat allapput.