Dronningi eqqumiitsuliortunik nersornaasiilerpoq

Dronningi Københavnimi Eqqumiitsuliortut saqqummersitsisarfianni, Kunsthal Charlottenborgimi, septembarip ulluisa 17-ianni nersornaasiilerpat, eqqumiitsuliortoq islandimiu Kristján Gudmonsson pingaarnertut nersornaasigaassaaq.
Allattoq Oline I. Olsen
septembarip 08-at 2009 07:45

Nunani Avannarlerni eqqumiitsuliortunut nersornaasiunneqartartut akimanersaat, Carnegie Art Awardimik taaguutilik, tunniunneqartussaavoq, taanna svenskit aningaasaannik 2,1 millionit koruuninik naleqarpoq. Islandimiu nersornaasigaasussaq svenskit aningaasaannik 1 millionit koruuninik pissarsissaaq, tulliussaarlu 600.000 koruuninnattussaaq Kristina Jansson, aamma Felix Gmelin 400.000 koruuninik nersornaaserneqassalluni.

Qalipaasartoq qallunaaq inuusuttoq, Marie Søndergaard Lolk, svenskit aningaasaannik 100.000 koruuninnassaaq.

Nunani avannarlerni nammineq nalimi oqaluttuarisaaneq pillugu saqqummersitsineq aamma ammarneqassaaq, saqqummersitallu illoqarfinnut pingaarnernut, Londonimut, Beijingimut Nice-mullu aamma angalaarunneqassapput.