Dronningi ajunaarnersuarmut misiginneqataavoq

Pisarneq malillugu Ataqqinartorsuaq Dronning Magrethe ukiortaami ullumi oqalugiarpoq. Oqalugiarnerminilu eqqaanngitsuunngilaa Asiami ajunaarnersuaq, Danskit arfineq-marluk ajunaarput, allallu 125.000-t aamma ajunaarput.

- Annaasagut kisiisa eqqarsaatigissanngilagut, kangianili ajunaartorpassuit akornanni inuuniarnikkut ilungersuuteqalersut aamma eqqarsaatigissavagut. Puigussanngilaguttaaq maani Danmarkimi najugaqartut ajunaarnersuaqarfimmi ilaqutaqartut, ilaqutaat qanoq pisimanersut ilisimasaqarfiginngisaat Dronningi oqarpoq.

Dronngip oqalugiarnermini aamma ernini eqqaavai, kronprinsip katinnera nukaatalu avinnera, Dankillu qutsavigai tapersersuinerannut.

Dronningip Magrethep aamma nunarput eqqaavaa. Ukiortaassami pilluaqqusiitigaluni ukiuni 25-ni Namminersornerulersimanerput aamma pilluaqqussutigaa.

- Kalaallit akisussaaffitsik ingerlappaat angusaqarluarpullu. Angalanitsinnimi tamanna takusinnaavarput, piumassuseqaqaallumi, ataqqinartorsuaq droninng Magrethe oqarpoq.