Dronning Margrethep inuuini malunnartinnianngikkaa

Dronning Margrethe ullumikkut 81-inik ukioqalerluni inuuissiorpoq, ukioq kingullerli assigalugu ulloq nalinginnaasutut malunnartinneqassanngilaq.

Dronningi inuuissioraangami innuttaasunut aalateriartortarluni Amalienborgip balkonngianukartaraluarpoq, paarsisullu ullup qeqqanut nikinneranni, inuit illussaarsuup saavanukarlutik dronningip inuuiani pilluaqqusiartortaraluarput.

Inuuinili coronap ilungersunartorsiortitsinera pissutigalugu Fredensborg Slotimi ukioq manna nammineq nalliussiniarpaa.

AAMMA ATUARUK Qamutilittarneq erinarsoqatigiinnerlu: Dronningi facebookikkut nalliussineqassasoq

Dronningip siorna 80-iliinnissaanik nalliuttorsiortitsinermi aaqqissuussarpassuugaluit taamaatinneqarmata inuuia allatut nalliussineqarpoq. Interneti aqqutigalugu pilluaqqusisoqarlunilu assigiinngitsutigut malunnartitsisoqarpoq.

Kunngikkormiut internetikkut attaveqaataat aqqutigalugit ukioq manna pilluaqqusisoqarsinnaassaaq.

Dronning Margrethep inuuia nalliussiniarlugu Issittumi Sakkutooqarfiup umiarsuaanit Thetisimit Nuutoqqami ullup qeqqanut qamutilittartoqassaaq.