Dronning Margrethe uppinnermi kingorna napparsimalluni nalunaartoq

Dronning Margrethe napparsimalluni nalunaarpoq.

Kunngikkormiut tusagassiisarfiat dronning Magrethep 84-inik ukiullip Københavnimi Rigshospitalimi uninngareerluni tallimanngormat angerlareernerani taama ilisimatitsivoq.

Dronning Margrethe aasakkut angerlarsimaffimmini illussaarsuarmi Fredensborg Slotimi sapaatit akunnerata siuliani pingasunngornermi uppinnini pissutigalugu Rigshospitalimut unippoq.

Dronning uppikkami assaa talerperleq gipsimik qerattaqquserneranik kinguneqartumik napivoq pukutsumigullu annerluni. Pukutsimigut annernini pissutigalugu qungatsimigut qaammatini tulliuttuni aamma qerattaqquteqassasoq, kunngikkormiut tusagassiisarfiat ilisimatitsivoq.

Dronning Margretheli ajoqusersimagaluarluni ajunngitsoq, kunngikkormiut tusagassiisarfiat aamma ilisimatitsivoq.

Dronning Margrethelli Folketingimi marlunngorpat ammaanersiornermi peqataanissi taamaatikkaa, kunngikkormiut pilersaarutaanni allaqqavoq. Kunngi Frederik nulialu dronning Mary prinsesse Benediktelu Folketingimi ammaanersiornermi najuutissapput.

Dronning Magrethep ukiup sinnerani pilersaarutini tamaasa taamaatissimagai, kunngikkormiut pilersaarutaanni aamma takuneqarsinnaavoq.