Ataqqinartorsuaq Dronning Margrethe 67-inik ukioqalerluni inuuissiorpoq, Amalienborgimilu nalliussineqarluni.
Nalunaaquttap akunnera ataaseq qaangiuppat, tassa uagut nalunaaqutarput arfineq-pingasunngorpat, illussaarsuup aneersuartarfianut - pisarneq malillugu – anillassaaq, Danmarkimilu upernaarpalaarluni silageqimmat københavnimiorpassuit Amalienborgip silataani pilluaqqusiartornissaat qularutissaanngilaq.
Kujammullu kilometererpassuit illuarutta – Romimi Vatikanimi aamma inuuissiortoqarpoq, kaagillumigooq piareersimapput. Inuuissiortoq tassaavoq Joseph Alois Ratzinger – maanna paavitut nalunnginneqarnerusoq – paavi Benedikt 16-iat ullumikkut 80-iliivoq.