Dronning Margrethe filmiliornerup silarsuaanut pulalerpoq
Danskisut filmiliassamut naatsumut nutaamut, H.C.Andersenip oqaluttuaraaliaanut, Qussuit nujuartat, manuskriptiliorsimavoq. Aviisimi B.T.-mi tamanna atuarneqarsinnaavoq.
Allattoq Louise M. Kleemann
septembarip 02-at 2008 12:51
Filmiliortartoq Jakob Jørgensen, peqatigalugu, Dronning Margrethe Qussuit nujuartat filmiliarinissaanut Danmarkimi Filmiliortarfimmiit, Det Danske Filminstitutimiit, 650.000 koruuninik tapiiffigineqarsimavoq.
Jakob Jørgensenip Dronning Margrethe siornatigut suleqatigilluarsimavaa. H.C.Andersenip oqaluttuaraaliaa alla, Aputip Kunngia arnaq, filmiliaritinniarlugu Dronning Margrethe isumassarsimmat qiortarlugu katiterlugu qarasaasiakkut isiginnaagassiarimmagu suleqatigisimavaa.
Qussuit nujuartat filmiliarineqarnera januaarimi 2009-mi aallartissangatinneqarpoq, ilitsersuisuussaarlu Jesper W. Nielsen.
