Dronning Margrethe corona virusimut akiuussutissamik kapineqarpoq
Ataqqinartorsuaq Dronning Margrethe coronavirusimut akiuussutissamik ukiortaami kapineqarpoq.
Dronning Margrethe akiuussutissamik tulliani kapineqassaaq sapaatit akunneri pingasut qaangiuppata.
Kunngikkormiut tusagassiuutinut nalunaaruteqarlutik taama paasissutissiipput.
Dronningi sisamanngornermi unnukkut ukiortaami oqalugiarami akiuussutissap Danmarkimut tikiunneqarsimanera nuannaarutigaa.
AAMMA ATUARUK Dronningip aasaru nunatsinnukarsinnaassalluni neriuutigigaa
Qaammatinili tulliuttuni mianersortoqarnissaanik oqaaqqissaarivoq.
- Ataatsimooraangatta suli mianersortassaagut, peqqinnissaqarfimilu sulisunut immikkut qujassuteqarpoq, taakkua coronap tuniluunnissaa pinaveersaartinniarlugu ilungersorlutik suliniuteqarsimammata.
Kalaallit Nunaat - nunanut allanut sanilliullugu covid -19-nik annikitsumik eqqorneqaraluartoq, Kalaallit Nunaanni Savalimmiunilu ulluinnarni inuunermut sunniuteqarsimavoq.
- Kalaallit Nunaanni Savalimmiunilu nappaatip siaruaatinnginnissaanut annertuumik iliuuseqarlutillu paasinnilluartoqarsimagaluartoq, inuiaqatigiinnut akisusimasoq, dronningi oqalugiarami taama oqarpoq.
Kalaallit Nunaanni Savalimmiunilu takornariaqarneq ukiuni kingullermi pingaaruteqaleraluttuinnarsimasoq - unittuuissungajappoq, aningaasarpassuarnillu annaasaqarfiulluni.
Neriuutigaara aasaru Savalimmiut Kalaallit Nunaallu tikeraassallugit, dronningi oqalugiarami taama oqarpoq.