Dronning Ingridip Napparsimmavissua immikkut aningaasaliiffigineqarpoq
Maannakkut tapiissutigineqartut atorlugit napparsimmavissuarmi suliarisinnaasavut suliarisalersinaavagut, siniffiillu atorunnaaraluakkavut atoqqilersinnaallutigik, peqqissaasummi siniffinni taakkunani nalasussanngortunik paaqqinnittussat maannakkut atorfinitsissinaaleratsigik. Maannakkut pisarnertut ingerlasinnaalissagutta apeqqutaalluinnassaaq atorfinitsittariaqakkavut pissarsiarisinnaassanerivut, taamaassagaluarpalluunniit septembarip ulluisa aallaqqaataanni aningaasat atorneqareersimassapput. Napparsimasut suliaritittariaqavissut tapiissutit atorlutigik maannakkut suliarisinaassavagut, suliarineqarnissaminnillu utaqqisut ilaat immaqa aamma suliarineqarsinnaassallutik, tassani seeqquluttut siffialuttullu eqqarsaatigineqarput, Ann B. Kjeldsen oqarpoq.
Peqqissaasut maanna atorfeqareersut anigaasaliinikkut septembarip tungaanut naammattunik suleqateqarsinnaanissartik qulariunnaassagamikku, soorunami aamma sulinerminni iluarusuutigissavaat. Maanakkut uagut sulisussarsiussaagut, pissanganassaarlu atorfinivikkusuttut qassit pissarsiarisinnaassanerlutigit, taakkualu apeqqutaallutik taartaasartunik qassinik atorfinitsitsigallartariaqassanerluta.