Dronning Ingridip Napparsimmavia allilerneqassaaq
-Siullermik oqaatigilaassavara, ukiorli nallunaarutigaarput ningaasaateqarfissuarminngaaniit Maersk-Fondeniminngaanniit 140 millioni koruuninik tunitissimalluta Sanap allanngortinnissaanut, naleqqussarnissaanut aamma periarfissat annertusinissaannut atugassanik. Tassalu isumaqarpoq, siullermik: nakorsiartarfik massakkut inigisamininngaaniit allamut nuunneqassaaq, taavalu pilaasarfiit piorsaaffigalugit. Annertoqarpat, taava qaratsaminik sajuppillattoorsimanersoq misissorniarlugu ulloq ataaseq, imaluunniit ullualunnguit, tigumminniffiusinnaasumik immikkoortortaqarfeqalernissaa. Uku napparsimmavimmi sivisuumik uninngasartut utaqqisarnerat ilaatigut millisarniarlugu, Ark'alo Abelsen oqarpoq. Sivisuumik napparsimasut Danmarkiliartinneqartarunnaassanersut Nuummukartinneqartalissanersullu aperineqarami Ark'alo Abelsen ima akivoq:
-Siunissami suli naatsorsuutigisariaqarparput aamma taamaassaaq, soorlu uummatilertinnissami, tartulertinnissami aamma annertuumik qinnguartartillutik kræfteqartut katsorsarneqartarnerat, taanna tassa suli ukiorpassuarni Danmarkimi pisartussaassaaq, tassami atortut aammalu inupparparpassuit immikkut ilinniagallit taakkua pisariaqartinneqartut ullumikkut piginngilluinnaratsigik. Kisianni nappaatit assigiinngitsut amerlanerit nunatsinninngaaniit qimagutsinnagit maani Nuummi suliarineqarsinnaasut amerliartussapput, sanaartugassanut pingaarnernut Brønshøjimi Napparsimasut Illuata allinissaa inississinnaanngussaaq, Ark'alo Abelsen oqarpoq.
Dronning Ingridip Napparsimmaviata qaqugu allilerneqarluni aallartinneqarnissaa Aqqalo Abelsenip ullumikkut oqaatigisinnannginnerarpaa.
