Qaammataasat timmisartullu inuttaqanngitsut atorniaraat
Danmark Qalasersuup imartaata tungaanut pisuussutinik piginnittutut imminut isigissappat, Danmark Issittumi saqqumilaarnerusariaqarpoq.
Allattoq Aaqqissuisoqarfik / Redaktionen
aggustip 29-at 2016 13:42
Qaammataasat timmisartullu inuttaqanngitsut, ungasianiillu aqunneqarsinnaasut aqqutigalugit tamanna pissaaq. DTU Space Ilisimatusarnermut ministereqarfimmut taama innersuussuteqartoq, aviisip ullormut saqqummersartup Politikenip allaaseraa.
- Umiarsuit suut Issittup imartaani angallannersut imaaliallaannarlugu paasineqarsinnaanngilaq, Jens Olaf Pepke Pedersen, immikkut ilisimatusarsimasoq, DTU Space-imeersoq, Politikenimut oqarpoq.
Timmisartut inuttaqanngitsut, ungasianiillu aqunneqarsinnaasut atorneqarsinnaanissaannut eqqarsaat pissanganartuusoq, Danmarkimmi Issittumi inissisimanera eqqarsaatigalugu pingaaruteqarsinnaasut, Ilisimatusarnermut ministerip Ulla Tørnæsip DR-imut ilaatigut oqaatigaa.
