DR suliumajunnaarnersuarmit eqqugaavoq
Danmarks Radio suliumajunnaarnersuarmit eqqugaavoq. DR-p timersornermik immikkoortortaqarfiani sulisut ikilileriffiginiarlugit aqutsisoqarfiup 300 millioni koruuninik sipaarniuteqarniarsarinera akerliuffigalugu sulisut suliumajunnaarput.
Aviisiliortut teknikerillu Danmark Radio-p nutaarsias-saqartitsiviani immikkoortortaqarfinnilu sulisorpassuit unnuap qeqqata tungaanut suliumajunnaarput.
Timersornermik aallakaatitsivimmi sulisut sulinertik aqagu ullaakkut atsaat nangeqqissavaat. TV-mut tunngatillugu ilaatigut, TV-Aviisi, Timersornermit Nutaarsiassat kiisalu nutaarsiaassat allat ullumikkut suliarineqassanngillat, kisiannili Radio Avisi aallakaatinneqartassaaq, kiisalu aamma DR-p nittartagaani nutaarsiassalerisut nutaarsiassanut tunngatillugu malinnaajuassapput .
DR Sport-ip sipaarniuteqarfigineqarnerata saniatigut Nutaarsiassaleriffimmi aammalu nutaarsiassaleriffimmi magasinetimi Radiomi TV-milu teknikerinit 100-rujuusunit 40-t soraarsitaassapput.
