DR-imeersut suliumajunnaarneranni TV2-mit aallakaatitsisoqartassaaq
maajip 17-at 2005 17:02
Danmarkip Radioani nutaarsiassaqartitsivimmi sulisut ullumi suliumajunnaarput, suliumajunnaarnerlu isumaqatigiissutinik unioqqutitsineruvoq.
DR-imi atorfineqqammertut aallarniutaasumik akissaasersugaanerat akueriumanagu DR-imi sulisut suliumajunnaarput.
DR-imi nutaarsiassaqartitsivimmi sulisut suliumajunnaarnerat Nunatsinnut, tassalu Kalaallit Nunaata Radioanut aamma malunniutissaaq, taamaattumik DR-ip nutaarsiassiisarneranut taarsiullugu TV2 nutaarsiassaqartitsisassaaq, soorlu nalunaaqutaq qulinut TV2-p nutaarsiassaatai aallakaatinneqassallutik. Taamaaliortoqassaarlu suliumajunnaartut sulileqqinnissaasa tungaannut.
