Nukaka Coster-Waldau Lars Mikkelsenilu nangeqattaartuliami aappaagu ukiakkut aallakaatinneqalertussatut naatsorsuutigineqartumi ilaatigut inuttaassapput.Assi: Scanpix

DR Hans Egedep Kangermut tikinneranut tunngasumik nangeqattaartuliorniartoq

DR-ip Hans Egedep Kalaallit Nunaannut tikinnerata ukiunik 300-nngortorsiorneranut atatillugu Kangermut tikinneranut tunngasumik nangeqattaartuliorniarpoq.

Danmarkip Kalaallit Nunaatalu ataatsimoorlutik oqaluttuarisaanerat  DR TV-ikkut nangeqattaartuliatut naatsutut aappaagu isiginnaarneqarsinnaassaaaq.  

DR-ip kulturimut tunngasunik pissanganartulianillu aappaagu isiginnaagassanik ataasingornermi saqqummiussinerani taanna ilaavoq. 

Danmarkip Kalaallit Nunaatalu oqaluttuarisaaneranik TV-ikkut aallakaatitassiat  immikkortut sisamat aappaagu 2021-mi ukiakkut  isiginnaarneqarsinnaassapput. 

Aappaagumi 2021-mi ukiut 300-inngussapput,  palasi Hans Egede nunatsinnut  Nuup avataanut Kangerup avannaanutIlluerunnernut nunalimmat.  

- Kalaallit Nunaata Danmarkillu ataatsimoorlutik oqaluttuarisaanerata ukiunik 300-nngornera eqqorlugu   nunat taakkua marluk attaveqatigiinnerat siunissamilu nunat taakkua qanoq attaveqassanersut oqalligisineqarnerata nalaani pisussanngorpoq.

DR-imi kulturimut, meeqqanut  inuusuttunnullu aallakaatitassiornermi pisortaq Henrik Bo NIelsen oqarpoq. 

Nunat taakkua marluk oqaluttuarisaanermut ilaalernerannut paasiniaanerunissamik periarfissatsislaavoq, nunat taakkua marluk qanoq ineriartorsimanerat piffissallu ingerlanerani inuiaqatigiinnut kulturikkut inuttullu sunniuteqarsimanerat pillugu, Henrik Bo Nielsen oqarpoq.  

Nangeqattaartuat ukiaru takuteqqaarneqarnissaat naatsorsuutigineqarpoq,  tassanilu Nukaka Coster- Walday aamma Lars Mikkelsen ilatigut inuttaassallutik. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat