DR Congomi inuit 200-t ebolamik toqquteqartut

Ebolamik tunillaassuunneq Congop kangisinnerusortaani aggustip ulluisa aallaqqaataani paasineqarpoq, 
Congomilu 1976-imili ebolamik napparsimmalertoqartaneranit qulissaanik nappaatigineqalerluni.

Nunap immikkoortuani ebolamik nappaalaffiusumi pikititsinianit saassussiffigineqarajuttarpoq,
nunap immikkoortuani tassani aatsitassaqarluarpoq, pissaanerlu pikitsitsinianit tiguarniarneqarluni.  

Nappaatip ebolap pisortanit pinaveersaartinniarneqarnera akiorniarneqarneralu pikititsiniat saassussisarnerannit ajornartorsiortitsivoq.  

- Pikitsitsiniat nunap immikkoortuanut takkummatali, nappaammik ebolamik pinaveersaartitsiniarlutik suliaqartut, saassunneqartarput, qunusaarneqartarlutik, nakuuserfigineqartarlutik atortuilu aserorterneqartarput, ilai sallunaveeqqutitut tigusarineqartarlutik, peqqissutsimut ministeri Oly Ilunga nutaarsiassaqartitsivimmut AP taama oqarpoq.

 - Suleqatigut marluk saassussisoqarnerani toqutaapput. 

Naak saassussisoqartaraluartoq inuit 27.000-it ebolamut akiuussutissamik kapineqarput, taakkua tunillanneqarnissaminnut ulorianartorsiorput.