Dorthe Korneliussen Institutimi nutaami pisortanngussaaq
Ilinniarfissuarmi rektori, cand.mag Dorthe Korneliussen Ilisimatusarfimmi Ilinniarnermut Institutimi pilersinneqaqqammersumi pisortanngussaaq. Ilinniarfissuaq Inerisaavillu Institutimi nutaami kattunneqarput.
Dorthe Korneliussenip atuarfinni sulinermik ukiorpassuarni misilittagaqarnera, minnerunngitsumillu ilinniarfinnik aqutsinermik sungiusimasaqarnera pikkorinneralu, Institumi pisortassatut toqqagaaneranut pissutaapput.
Institutimi pisortanngortussap pisortanngoruni suliassaanut siullernut ilaavoq institutimi nutaami immikkoortortami nutarterinissaq, ilinniartitsisunillu ilinniartitsinermi pitsanngorsaanissaq aamma misissussavaa.
Institutimi nutaami pisortaanermi saniatigut Ilinniartitsisunngorniat Dorthe Korneliussenip suli pisortaaffigissavai.
Feeriareerluni januaarip ulluisa arfineq-aappaanni uteruni Dorthe Korneliussen Institutimi pisortatut atorfinissaaq.