Doris Saudi Arabiami

Folketingimi ilaasortaq Doris Jakobsen (S) ulluni makkunani angalavoq. Folketingip nunanut allanut tunngasunut ataatsimiitsitaliaani ilaasortat ilagalugit Saudi Arabiamut, Bahrainimut, Abu Dhabimut aamma Dubaimut angalavoq. Nunat taakku annertuumik aatsitassaqarfiupput tamannalu isumassarsiorfiulluarpoq:

- Saudi Arabiamut, Abu Dhabimut aamma Dubaimut angalanermi periarfissaqalerpunga nunat taakku qanoq aatsitassanik piiaanerat aamma aatsitassat tungaatigut aningaasat isertarineqartut atorneqartarnerat pillugu takusaqarnissamut. Tamatumunnga atatillugu pissanganarpoq tusassallugu nunarsuup ilaani maani innuttaasut naalakkersuisooqataanerannut tunngatillugu ineriartorneq qanoq innersoq, Folketingimi ilaasortaq Doris Jakobsen oqarpoq.

Angalaneq novembarip 25-aniit sisamanngorneq novembarip 29-iata tungaanut ingerlanneqassaaq. Doris Jakobsenip politikerit angalaqatai tassaapput Jeppe Kofod (Socialdemokrat), Karsten Nonbo aamma Lykke Friis (Venstre) taavalu Rasmus Helveg Petersen Radikale (Venstre).

- Saudi Arabiamut aamma De Forenede Arabiske Emiratermut angalanerup siunertaraa periarfissat assigiinngitsorpassuit politikerit, inuiaqatigiinni inuinnaat sinniisaat, siunnersuisoqatigiillu aqqutigalugit naalagaaffiit iluanni politikkimut tunngatillugu nunani pissutsit paasisaqarfiginissaat, soorlu naalagaaffiit assigiinngitsut nunanut allanut suut politikkerineraat aamma nunat assigiinngitsut akornanni, naalagaaffiup isumannaatsuunissaanik politikkimut pissutsit suunersut aamma nunarsuup ilaani tassani demokratii tungaatigut pissutsit suunersutm, Folketingip nittartagaani angalanissaq pillugu taama  allaaserinnipput.

Folketingip nunanut allanut tunngasutigut ataatsimititaliaata angalanerat 245.510 koruuninik akeqassasoq naatsorsuutigineqarpoq.