Doris: Kajumissutsiminnik sulisunik piareersimasoqartariaqarpoq
Kajumissutsiminnik sulisunik piareersimasoqarneq siammasissumik atorneqarpoq. Politiit, qatserisartut sinerissamilu nakkutilliisut islandimilu innuttaasut kajumissutsiminnik sulisunik piareersimasoqarnikkut iluaqutigineqarluarpoq. Nunatsinni taamatut eqqussisoqarsinnaasuuppat, piareersimaniarneq annertuumik pitsanngortinneqarsinnaavoq, najukkamimi innuttasut anorip silallu pissusai annaassiniartartunit, ilaatigut avataaneersinnaasunit ilisimasaqarfigineruaat.
-Nunatsinni najugaqarfinni mikinerni anginerusunilu ataqatigiinneq nukittooq pigisaraarput. Tamatta immitsinnut nalunngisariippugut taamaattumillu aamma ikioqatigiillaqqissuulluta. Ajornartorsiortoqaraangat, nunaqarfimmiut illoqarfiullu ikiuisarput. Kajumissutsiminnik sulisunik piareersimasoqarnikkut nukiit pitsaasut ataqatigiissaakkamik atorluarneqarnissaa qulakkeersinnaavarput. Ajornartorsiortoqartillugu piffissamik atuilusinnartoqarnissaa annikillisarsinnaavarput, minutsillumi ilaanni annaassiniarnermi pingaaruteqarluinnartarput, Doris Jakobsen oqarpoq.
Islandimi ajumissutsiminnik sulisunik piareersimasoqarnermi pikkorissaanerit assigiinngitsut ingerlanneqartarput, pisariaqartitat naapertorlugit. Islandimi misilittakkat Nunatsinni atoqassappata soorunami aamma taamaaliortoqassaaq.