Doris Jakobsen siulittaasup tulliata aappaatut qinigassanngortippoq
Doris Jakobsen 26-nik ukioqartoq, Inatsisartunilu Siumut sinnerlugu ilaasortaasoq, Folketingimut qineqqusaarnermini qinigaarujussuarpoq 1.873-nik qinerneqarami. Qinigaalluarnermi kingunerisaanik Siumumi siulittaasut akornannut inissinniarluni Sisimiuni Siumup ataatsimeersuarnissaanut februaarip 17-ianiit 19-iata tungaanut ingerlanneqartussami, siulittaasup tulliata aappaattut qinigassanngortippoq.
- Qinigassanngortippunga siuleruisuni sulineq suleqataaffigerusukkakku misilittakkakkalu annertusarniarlugit, Doris Jakobsen oqarpoq.
Doris Jakobsen-ip ilanngullugu oqaatigaa Siumup Inuusuttunut Suleqatigiiffiani siulittaasutut siulersuisunilu ukiut 14-t suleqataareerluni tunuarniarluni, inuusuttut allat Siumumi sulinissaannut periarfissikkumallugit.
Sisimiuni ataatsimeersuarnissaanut Jørgen Wæver Johansen Godmand Petersenilu siulittaasutut qinigassanngortillutik nalunaareerput, Lars-Emil JOhansenilu siulittaasunngorniuttunut ilanngutissanerluni suli eqqarsarpoq.
