Doris Jakobsen: Kalaallit Nunaat aalisakkanik Iranimut tunisassiorsinnaalissagunarpoq

Iranip aamma Naalagaaffiit Peqatigiit isumannaallisaanermut siunnersuisoqatigiivini ataavartumik ilaasortat tallimat aamma Tysklandip akornanni atomimik nukissiuuteqarneq pillugu nutaamik isumaqatigiissuteqartoqarneratigut Iranip nunanit tamalaanit niuernikkut killilersuiffigineqarnera qaangiuttussanngorpasippoq taamatullu Iran nunarsuarmi niuerfinni killilersugaanini niueqateqarsinnaaleqqittussanngorluni.

Allattoq Hagen Højer Christensen

apriilip 07-at 2015 07:12

Nutserisoq Simon Uldum -

Iranilu Nunatsinnik niueqateqarusuppoq.

Iranip Danmarkimi aallartitaata Hamid Bayatip Nunatta Iranillu akornanni niueqatigiissinnaaneq eqqartorumallugu Doris Jakobsen 2013-imi ataatsimeeqatigiumavaa.

Iranip aalisakkanik pisiortorusunnera aamma ilisimatusarnikkut teknikkikkullu ineriartortitsinikkut suleqatigiinnissaq soqutigineqartoq aallartitap ataatsimiinnermi tassani nassuiaateqarfigaa. Isumaqatigiinniarnerilli 2013-imi ingerlariaqqinngitsoorput, maannali killiliussamik isumaqatigiissuteqartoqarneratigut attaveqaqatigiinneq aallarteqqeqqullugu Doris Jakobsenip Naalakkersuisut kaammattorpai.

AAMMA ATUARUK Iran: Uraniutersi pisariaqartinngilarput

Iranip isumaqatigiissuteqarfigineqarnera nunarsuatsinni isumannaallisaanikkut angisuumik qulakkeerinneqataassasoq, Doris Jakobsen tusagassiorfinnut nalunaaruteqarluni ullumi allappoq.

- Kalaallit Nunaannut aamma angisuujuvoq, qaqutigoormat aningaasaateqarluartut namminneerlutik saaffiginnittarnerat aalisagaatitsinnillu pisiortorumallutik, taanna allappoq ilanngullugulu Naalakkersuisut kaammattorpai Iranimi naalakkersuisunut attaveqaqqullugit isumaqatigiinniarnerit naammassineqarpata piareersimasoqarniassammat.

Doris Jakobsen: Kalaallit Nunaat aalisakkanik Iranimut tunisassiorsinnaalissagunarpoq

Aamma atuaruk