Doris: Issittumi iliusissat kia aningaasalersussavai?

Issittumi iliusissat piviusunngortinniarnerat kia aningaasalersussanerai Folketingimi ilaasortap Siumumeersup Doris Jakobsenip Naalakkersuisut siulittaasuannut Kuupik Kleistimut paasiniarpaa.

Iliusissap pilersaarusiornerata ilissernerani Danmarkip isumaqatiginninniartuanit ambassadør Lars Møllerimit aningaasalersornissaa ilanngunneqarsimannginnera Doris Jakobsenip apeqquteqarnerminut tunngavilersuutigaa.

Nunanut allanut ministerip Villy Søvndalip Folketingip oqaluttarfianit siusinnerusukkut erseqqissaatigaa issittumi iliusissamik pilersaarusiornerit Naalagaaffeqatigiit, tassa Savalimmiut, Kalaallit Nunaata danskillu naalakkersuisuinit aningaasalersorneqassasut, - tamannalu akisungaatsiassasoq Doris Jakobsenip ilanngullugu oqaatigaa.

Maannalu Doris Jakobsenip  issittumi iliusissamik atsiugaqarnermigut Kuupik Kleist sianiinaagaasimanersoq paaserusuppaa? - Imaluunniillu issittumi iliusissamut Nunatta aningaasaliinissamut peqataanissaa isertorniarsimaneraa?

Doris Jakobsenip  Danmarkimi nunanut allanut politikkip nunatsinnit oqaasissaqarfigineqaqqusaanngitsoq issittumi iliusiornissamut pilersaarut nunatta aningaasaleeqataanissaa naleqquttuusorinngilaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat