Doris danskit socialdemokraatit gruppiata aasaanerani ataatsimiinneranut peqataavoq
Kalaallit Savalimmiormiullu socialdemokraatit ataatsimiinneranut peqataanerat iluarisimaarneqarpoq. Doris Jakobsen Siumumeersoq Savalimmiuneersorlu Sjudur Skaale ministeriunermit immikkut eqqaaneqarput.
-Gruppitsinnut ilaarusullusi aalajangersimanersi eqqortuuvoq, Helle Thorning, atlantikup avannaamiunut marlusuunut taama oqarpoq.
Doris Jakobsen Siumup inuulluaqqussutaa apuuppaa, partiillu taakku marluusut suleqatigiittuarnissaat suleqatigiinnerlu nukittorsaqqinneqarsinnaasoq aamma oqaatigalugu. Doris Jakobsenip aamma Nunatsinni ineriartorneq oqaluttuaraa - tassunga ilanngullugit Nunatsinni naalakkersuisut aningaasanut inatsisissaat siulleq, suliniutinut angisuunut inatsisip nukittorsaqqinniarnera aamma saammasseqatigiinnissamut ataatsimiititaliarsualiornissaq.
