Doris ajuusaarpugut

Doris Jakobsenimut tunngasumik kukkussuteqarsimaneq aaqqissuisup tikkuarpaa.

Aallakaatitsinissap tungaanut ulapinneq pissutigalugu aallakaatitassiami takutinneqartussaanngitsoq ilannguttoorneqarsimasoq, Vivi Sørensen, KNR-p inuussuttunut aaqqissuisoqarfiani aaqqissuisoq nalunaarpoq.

Immiussinermi assigiinngitsorpassuit nalinginnaasumik immiussorneqartarput katiterinermilu atortussaanngitsut piiarneqartarlutik, ingammik ileqqorissaarnissamut maleruagassat sillimaffigalugit, ajoraluartumilli ippassaq aallakaatitassiami ilaasussaanngitsoq kipinngitsoorneqarsimavoq.

Aallakaatitassiaq aallakaateqqinneqalerpat pilersaarutaasimasutut isikkoqartillugu takutinneqassaaq.

Vivi Sørensen erseqqissaavoq Labrador Kangian-imi imaritinneqartartut tassaammata pisut quianartunngortinneqarneri, taamaattorli inunnik nikassaanerit pinnagit.

 - Aaaqqissuisoqarfimmi kukkuneq ajuusaarutigaarput, Vivi Sørensen nalunaarpoq.