Donald Trumpip nunarput kisiat pileriginngikkaa, Canadami ilanngullugu pilerigigaa
Trumpi sapatit-akunnerisa siuliini attaveqatigiiffimminut Truth Socialimut Canadamiorpassuit USA-p oqartussaanit aqunneqarusullutik kissaateqartut ilisimallugit ataasiaannarani allappoq.
USA-p naalagaaffiisa Canada 51.-erilissagaat Trump Truth Socialimut allakkamiuk Canadamiorpassuit soqutiginnilersippai, Canadamiulli kamaammertunik ilaqarput.
Canadamiit nioqqutissat tamalaat USA-mut nassiunneqartartut 25%-mik akitsuuserniarlugit Trumpi siorasaaruteqarpoq.
Canadamiorpassuit USA-p nalagaaffiisa ataaniilernissaanik kissaateqarneraaneq tunngavissaqanngilaq.
Taama oqariartuuteqarneq Canadamiorpassuarnik kamaammersitsivoq aamma eqqissiviilliutaavoq.
Canada namminersortuuvoq USA-mullu sanillersuukkuminaappoq, Canada nunat issittoqarfimmiittut assigineruai.
Kalaallit Nunaat aamma Canada Amikap avaannaata tungaaniikkaluartut USA-p nalagaaffiisa ilaginngilai, politikkikkut, suliniutit kiisalu oqaluttuarisaanermut tunngasut USA-mut sanilliullugit allarujussuupput.
Aningaasaqarnikkut kalluaasoqarsinnaanera
Canadamiut statsministeriat Justin Trudeau Trumpip assigiinngitsutigut nikassarpaa, tamannalu namminersortuunerup illaruaatiginninnerasut ilaatigut nalilerneqarpoq.
Trump taama nikassaareersoq Statsministeri Justin Trudeau naalakkersuisoqatini arlaleriarluni ataatsimeeqatiserai, ilaatigut Trumpip qanoq akineqarnissaannik ataatsimiissutit imaqarput.
Nioqqutit USA-mut nassiunneqartartut 25%-mik akitsuuserneqartalerpata Canadami aningaasat nalikillinissai malitsigisaanik aningaasaqarnikkut ajalusoortoqarnissaq ernummataavoq.
Trumpi misigittaappalaartumik Canada isummerfigaa.
Ernerata illaruaatiginninnera
Donald Trumpip ernerata Erik Trumpip inoqatit attavigiittarfiannut X-mut nunat assingi Canada, Panama aamma Kalaallit Nunaat ikkuppai.
Nunat pineqartut Amazonikkut akiginiakkasut nittarsaatigai.
Senatorit nunat nittarsaanneqartut pillugit pingasunngornerup ullaavani isumaqataanerarput.
