Assi: Jim WATSON / AFP

Wall Street Journal Donald Trumpip Kalaallit Nunaat pisiariniarlugu takorlooraa

USA-p præsidentiata Trump Kalaallit Nunaat pisiariniarlugu arlaleriarlugu eqqarsaatigisarsimavaa.

Taama oqartut tassaapput amerikami aviisimi pissaaneqarluartumi  Wall Street Journalimi oqaloqatigineqartut kikkuunerminnik isertuussisut.

Aviisimi oqaloqatigineqartut oqaluttuarput, USA-p præsidentia Trump ataatsimiinnerni, nereqatigiinnerni aamma oqaloqatigiiittarnerni siunnersortini aperisarsimagai  USA-p Kalaallit Nunaat pisiarisinnaaneraa.

Aviisimi Wallt Street Journalimi oqaloqatigineqartut marluk oqarnerat naapertorlugu,  Trumpip præsidentip illorsuani siunnersortini Kalaallit Nunaata pisiarineqarnissaanut annertunerusumik misissueqqullugit peqqusimavai.

Præsidentip siunnersortaasa ilai Trumpip isumassarsiaanik tapersuisimapput allalli isumassarsiaq tapersorsimanagu takorluugaannartullu taallugu.  

Oqaaseqaateqartoqarusunngilaq

Wall Street Journal allappoq præsidentip Kalaallit Nunaata pisiarinissaanik kissaatiginninnera ilumoorpat taava USAp qanoq iliorluni suliaq ingerlatissaneraa erseqqissumik takussutissartaqanngitsoq.

Trumpip soqutiginninnera pillugu Kalaallit Nunaanniit imaluunniit Danmarkimiit oqaaseqaateqartitsiniarnertik Wall Street Journalip iluatsissimanngilaa.

Aamma præsidentip illorsuata tamanna pillugu aviisip apeqqutaa akisimanngilaa.

Trumpip isumassarsiani piviusunngortikkusussaneraa erseqqinngikkaluartoq ilisimaneqarpoq USAp Kalaallit Nunaat soqutigisaminut pingaartikkaa.

USAp siornatigut Kalaallit Nunaat pisiariumanikuuaa

Amerikamiut præsidentiisa Kalaallit Nunaannik pisiniarnerminnik eqqarsaateqartarnerat siullermiilinngitsoq, nutaarsiassaqartitsvik AP taama allaaserisaqarpoq.

Ukioq 1946-mi  USA-p Kalaallit Nunaat 100 million dollarsilerlugu pisiniarsimagaluarpaa.

USA-præsidentia Trump Danmarkimut tikeraassaaq septemberip ulluisa aapaanni pingajuanilu, tikeraarnerani Kalaallit Nunaat issittumilu pissutsit oqaluuserineqassapput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat