Los Angelesip ungasinngisaani ikuallannerujussuaq Mariamik taaguuserneqarsimasoq timmisartoq atorlugu ilaatigut qamiterniarneqarpoq.Assi: Daniel Dreifuss/Reuters/Ritzau Scanpix

Donald Trumpip California sioorasaaraa

Californiami orpippassuit hektarit sapaatip-akunnerini kingullerni marlunni ikuallassimapput, ikuallannerujussuillu akiorniarneqarnissaannut aningaasaliissutissat paamaarunneqarsinnaanissaat Donald Trumpip sioorasaarutigaa.

Californiami orpippassuit ikuallapput, qamiterniarneqarnissaalli ajornakusoorneruleratarsinnaavoq. USA-mmi præsidentiata Donald Trumpip aningaasaliissutissat tunniunneqannginnissaat sioorasaarutigaa.

Donald Trumpimmi avatangiisit pillugit politikkia, Californiap guvernørianit, demokratiusumit, isornartorsiorneqarpoq.

Avatangiisit illersorneqarnissaannut iliuusissatut pilersaarutit Trumpimit tunuartinneqarnerat, Californiap guvernøriata Gavin Newsomip sapaatip-akunnerata siuliani isornartorsiorpaa.

Orpippassuit 40.000 hektarit Californiami sapaatip-akunnerit marluk kingulliit ingerlaneranni ikuallapput.

Californiami qatserisartut Los Angelesip ungasinngisaani ikuallannerujussuaq ippassaq sapaammi qaminniarsaraat.

Donald Trumpip guvernørip isornartorsiuineranut atatillugu oqaatigaa Californiami orpippassuit naammattumik illersorneqanngitsut.

Guvernøri Gavin Newsom Twitterikkut naatsumik aamma akissuteqarpoq:

- Silap pissusiata allanngoriartornera illit upperinngilat. Tamanna pillugu oqaloqatigineqartariaqanngilatit, Gavin Newsom oqarpoq.

/ritzau/AFP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat