DMI: Tasiilami piterarnissaa aarlerisaarutiginearpoq sinerissamilu nittaallerujussuassalluni
Timmisartuutileqatigiiffiup Air Greenlandip timmisartuussinini unitsippai tamannalu pissutigalugu ilaasussat 232-it angalanissaat allanngortinneqarput. Kangerlussuup Aasiaallu akornanni timmisartuussinerit ammatinneqarput.
Nuummi bussit unitsinneqarput, Kalaallit Nunaannilu politiit Nuummi pisariaqanngitsumik biilinik angalanissaq innersuussutiginngilaat.
Kalaallit Nunaata sinnerani aamma ukiorluttorsuusoq, DMI-mi silasiortoq Dan Nilsvall oqaluttuarpoq.
- Sinerissami nittaatsupilorujussuuvoq.
-Piffissap ilaani nittaallerujussuartarpoq isikkiviluttorujussuanngortarluni, Danmarkimi silasiorfimmi DMI-mi silasiortoq Dan Nilsvall oqarpoq.
AAMMA ATUARUK Air Greenlandip timmisartuussinissat tamaasa taamaatikkai Nuummilu politiit aqqusinermi angallattoqaqqunngikkaat
Nuup avataani aamma sakkortuumik anorlilertarpoq.
- Maanakkut Nuummi anorlersorujussuuvoq, sekuntimut meterit 20-it sinnilaarlugilluunnit sukkassusseqalertarpoq, nittaallerujssuartarlunilu, Dan Nilsvall oqarpoq.
Avannaani issinneruvoq.
Nuummi sakkortuumik anorlerpoq issippiaranilu, arfineq marlunnik issippoq, tamannalu 15-inik issittutut malunnarluni. Nunatta avannaani issippoq.
- Kalaallit Nunaata avannaani ulluni makkunani issittorujussuuvoq 30-it missiliorlugit issilluni.
Tasiilami Piterarnissaa aarlerisaarutigineqarpoq.
- Naqitsiniisaffik taanna pingasunngornermi ullaassakkut Tasiilamut anngutissaaq,
Piterarnissaanillu aarlerisaaruteqarpoq, anorlernerujussuali sisamanngornermi kingusissukkut aatsaat sakkukillissangatinneqarluni, Dan Nilsvall oqarpoq.