Assi: Nielsen Ortooraq

DMI: Issittumi imaata sikua pisarnermit siusinnerusukkut aakkiartulersoq

Qalasersuup eqqaani ukioq manna siusinnerusukkut kiatsippoq. Qalasersuup sikuata aasaanerata naajartornerani siaruarfigisimasaata annikitsuinnaanerani 2012-imi aakkiartuliaarneratut ukioq manna aakkiartuliaarpoq.

Issittumi inuppassuaqanngilaq, taamaakkaluartorli silap pissusia kiassusaalu immikkut ittumik pingaaruteqarpoq, pissutigalugu nunarsuup sinnerata Danmarkillumi kiassusaanut sunniuteqarmat.

Taamaammat DMI-p Issittumi kiassuseq ingerlaavartumik nakkutigaa.

Matumanilu aarlerinartumik paasisaqartoqarpoq. Issittoq ukiumi nalinginnaasumit siusinerusukkut kiatsippoq.

Sikup nalaani kiassuseq 0 gradip qaangerpaa, tamannalu nunarsuup avannaata sikutarsuinik aatsitsivoq. DMI-mi silap pissusia pillugu ilisimatusartoq, Rasmus Tonboe oqarpoq.

AAMMA ATUARUK Sermersuup aakkiartornera 1980-ikkunnut naleqqiullugu arfinileriaammik sukkaneruvoq

- Tamanna sikup mianernangaatsiarneranik kinguneqarpoq, ukiullu ilaata naajartornerani sikup aakkiartortup annikinnerungaatsiarnissaanut aarlerinartoqartoq, ilisimatooq oqarpoq.

Rasmus Tonboellu oqarnera naapertorlugu sikup aakkiartornera aallartikkaangat sukkasuumik siaruapallattarpoq.

Sermeq qerisoq seqernup qinngorneranit eqqorneqarnerulertarpoq taamaalillunilu aput aakkiartornerulluni.

Rasmus Toboep Issittumi kianneruliaarnera “aarlerinartuunerarpaa”.

AAMMA ATUARUK Sermersuup aakkiartornera unitsitassaajunnaareerpoq

 - Immap sikua silatta pissusianut nunarsuullu kissassusaanut pingaaruteqangaatsiarpoq. Issittumi sikukinneruppat taama nunarsuup kissakkiartornera sukkatsikkiartornerussaaq, Rasmus Toboe oqarpoq.

Siusinnerusukkut kiatsiliaarnikuuvoq - tassalu 2012-imi - tassani sikup siaruaqqanerata annikinnera qaangerneqarpoq. Taamalu pisoqaqqissinnaanera silap pissusia pillugu ilisimatuup ernumatigaa.

- Kissarnera nalinginnaasumit sapaatip akunneranik ataatsimik takkutiaarpoq. 2012-imi aamma taama pisoqarpoq, tassalu sikup siaruaqqaffigisaata annikinnerpaaffianik asseqanngitsumik pisoqarluni, ilisimatooq oqarpoq, erseqqissaalluni:

- Sikup aakkiartornerata aallartiaarneratigut septembarimi sikukinnerunissaanik kinguneqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat