Kalaallit Danmarkimi ilinniagaqartut kattuffiat nutaamik atertaarpoq, tassa kattuffik DKIK-mik ateqarunnaarluni ateqalerpoq ”Avalak”.
DKIK-jusimasoq nutaamik atserniarlugu unammisitsisoqarsimavoq, aqqillu siunnersuutigineqartut sapaatip-akunnerata naanerani taasissutigineqarmata Avalak 29-init taaneqarluni ajugaavoq.
Kalaallit Danmarkimi ilinniagaqartut kattuffianni siulittaasoq Parnuna Egede oqarpoq kattuffiup Københavnimi Århusimi immikkoortortaasa aqqi allanngussanngitsut. Kattuffiup Københavnimi immikkoortua ateqarpoq KEKIP Århusimilu ÅKIP.