Disneyland ingasattumik immikkoortitsereerluni allannguivoq
Parkip nuannaarniartarfiup nittartagaani immikkoortitsineq pillugu sakkortuumik maalaarutigineqarnerata kingorna, Disneyland Parisimiittoq akinik allannguivoq.
Disneylandip nittartagaani tyskit pisinniat 2447 euromik (18.250 koruunimik)angalanissamut akiliissasut siorna saqqummerpoq, pisinniallu franskit angalanissamut assinganik 1345 euromik (10.030 koruunimik) taamaallaat akiliuteqaqqullugit.
Europami parkit nuannaarniartarfiit annerpaata politikkia akisungaatsiarpoq – maalaaruterpassuillu innuttaasunit kamattunit saniatigut – EU-kommissionimi suliassanngortinneqarpoq, akinik immikkoortitseriaaseq taamaattoq EU-mi unammillernermut inatsitsinut naleqqutinngimmat.
Isumaqatigiinngissut massakkut aaqqiiffigineqarpoq. Disneylandimmi pisinniat nittartakkamut naligiimmik neqeroorutinullu assigiinngitsunut isertissinnaanngormagit. Tamatuma kingunerisaanik EU-p suliaq unitsippaa.
- Disneyland Parisip tunngavilersuinikkut oqaloqatigeereerneratigut akileeriaatsinnut EU-p inatsisaanni piumasaqaatigineqartunut malinnilermat nuannaarutigeqaarput. Pisinniat immikkoortinneqarneri niuffannerup iluani akuersaarsinnaanngilagut, EU-kommissionip oqaaseqartartua, Lucia Caudet oqarpoq.
/ritzau/