Disney Ilulissani filmiliorpoq

Ilulissani helikopterit arlariikkaarlutik Ilulissat kangerluannut ulluni makkunani uteqattaartuarput.

Qulimiguulinnik attartortuuvoq amerikami filmiliortarfissuaq Disney.

Disney Ilulissani itsaq nunaqarfiusimasumi Sermermiuni Ilulissallu kangerluanni Nunatarsuuup timaannarsuani sermersuarmi filmiliorpoq.

Filmilioriat inuit 35-it, filmiliaritittussallu qimmit 12-t Canadameersut Pituffik aqqusaarlugu Ilulissiaanneqarsimapput.

Pisimasuimmik aallaaveqarluni filmiliarineqarpoq “Antarctica”, filmiliamilu qimmit pingaarnerutinneqarput. Qimmit piaraasulli sungiusarneqarsimapput. Qimmillu sungiusaasui qulingiluat qimminik ilitsersuipput.

Sikuiuitsumi kujallermi qanga ilisimasassarsiortut ajornartorsiulerlutik qimmitik qimaannartariaqarsimavaat, kingusinnerusukkullu qimmit ujarneqarnerat filmiliami oqaluttuarineqarpoq.

Filmiliortunillu oqaatigineqarpoq pinngortitaq, minutsit tallimat missaannaanni filmimi takuneqassasoq.

Ilulissanili Disneykkormiut persuarsioqaat, Hotel Arctic-imi najugaqarput, kulturikkut illorsuaq “Sermermiut” attartorpaat, tassani filmiliuutaasa batereerpassui immerneqartarlutik, qimmillu tikisitat ulloq unnuarlu nakkutigineqarput, kalaallit qimmiinut qanillissanngilluinnarmata. Qimmit tikisitat Namminersornerullutik Oqartussanit akuerisaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat