Disko Line angallammik allammik attartorpoq
Aleqa Ittuk aqagu ilaasunik angallassissaaq.
Allattoq Elisa Isaksen
maajip 15-at 2008 16:00
Najaaraq Ittuk aamma Aviaq Ittuk teknikkikkut ajornartorsiuteqarmata angallatit allat atorlugit Disko Line A/S aqagu angallassiniarpoq.
Ilaasussat Najaaraq Ittummut ilaasussaagaluit Aleqa Ittummik angallanneqassapput.
Aamma kinguaattoorpallaarnissaq pinngitsoorniarlugu Aleqa Ittuup aallarfissai siuartinneqarput. Aallarfissai Disko Linep nittartagaani aamma knr.gl-imi takuneqarsinnaapput.
