Disko Line aaqqiagiinngissutaasoq

KANUKOKA-p siulittaasuata Simon Simonsenip Disko Line sakkortuumik isornartorsiuteqarfigaa. Siulittaasuusimasorli, Palle Jerimiassen, eqqissisaavoq, kaammattuutigalugu politikerit innuttaasullu Disko Line aallartisarluarnissaanut periarfisseqqullugu.

- Isumaqarpunga ajorluinnartoq. Kiffartuussinissamummi isumaqatigiissuteqassallutik septembari qiteqquttorli ilisimasimavaat, KANUKOKA-p siulittaasua Simon Simonsen KNR-imut oqarpoq.

Disko Linep piginnittuata Jørgen Nielsenip oqaatigereerpaa, Namminersorlutik Oqartussat neriorsuutaat naapertorlugu kiffartuussinissamik isumaqatigiissutit juulip aallaqqaataanili piareerneqassasut. Taakkuli septembari qiteqqummat aatsaat atsiorneqarput saqqummiunneqarlutillu. 

Disko Linelu taamaammat sulisussarsiornissamut atortussanillu pisiortornissamut piffissakinnerusimavoq. Taavalu aamma ilaasut pisinnaatitaaffii pillugit isumaqatigiissutit decembarip 30-ani suliaralugit naammassineqarput - Disko Linep Qeqertarsuup Tunuani Kujataanilu kiffartuussisussanngorneranut ullut marluinnanngortut.

Kiffartuussinissamut isumaqatigiissut aallartinnerliortoq, Disko Linemi piginnittup nassuerutigereerpaa, oqaatigalugulu aaqqiissuteqarniarlutik.

Simon Simonsenilli tamanna saammarsaatiginngilaa, isumaqarami ingerlatsivik piareersarluarsimanngitsoq.

KANUKOKA-mili siulittaasuusimasup, Qaasuitsup Kommuniani kommunalbestyrelsimut maanna ilaasortap, Palle Jerimiassenip, siulittaasoq isumaqatiginngilaa.

- Disko Line piumassuseqarluni sapiissuseqarlunilu suliassaq imaannaanngitsoq suliariniarlugu imminut neqeroorutigivoq, Palle Jerimiassen KNR-imut allappoq.

Sinersortaammut ilaasussanut utaqqisarfeqannginnera Simon Simonsenip aamma isornartorsiutigaa. Tassungalu Palle Jerimiassen ima akissuteqarpoq:

- Piviusoq aamma unaavoq, sinersortaatinik nunarput tamaat angalasoqarallarmat angalasut aallaleraagata illuaqqanik utaqqisarfeqanngisaannarnikuupput, massakkullu angallassisussamut nutaamut aamma tamakkua tutsinniarneqarnerat pissusissamisuunngilaq, Palle Jerimiassen allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat