Dinosauruserujussuaq 80 miliuuninik ukiulik
Ilisimatusartut Brasiliamiut Argentinamiullu dinosaurerujussuup timaa ujarannguunnikoq allanngorneqanngingajattoq nassaarisimavaat, dinosaurusimik taamaattumik aatsaat nassaartoqarpoq. Nassaarineqartoq Argentinami Patagoniap avannarpasissuani ukiut 80 millionit matuma siorna uumasuusimavoq.
Futalognkosaurus dukei taanna naasortortuusoq niaqquminiit pamiuminut 32 meterit 34 meterillu akornanni angissuseqarpoq, illutut sisamanik quleriittut portussuseqarluni. Dinosaurerujussuarnit nunarsuatsinni maannamut nassaarineqartartunit nassaarineqartoq annerit pingasut ilagaat.
- Dinosaurusimik nutaavimmik nassaarpugut, Argentinamiu uumasunik ilisimasalik, Juan Pofiri, tusagassiortunik Rio de Janeiromi katersortitsinermi oqarpoq.
Dinosaurusip ujarannguunnikup timaata 70 procentia aserorsimanngilaq. Dinosauruserujussuit maannamut nassaarineqartartut timaat 10 procentiinnarmik ilivitsuusarput.
