Digitalinngortitsinissaq aallunneqartussanngorpoq

Nunatsinni innuttaasut oqaatsimik taaguummillu nutaamik sungiussiniartussanngorput. Digitalinngortitsinermut Aqutsisoqarfik pilersinneqarpoq kommunillu, Namminersorlutik Oqartussat pisortanilu suliaqartut alat akimorlugit suleqatigiinnerulluni.
oktobarip 02-at 2013 04:11

Digitalinngortitsinermut Aqutsisoqarfiup nutaap pingaarnertut siunertaraa pisortani allaffissornerup pisariillisarneqarnissaa nutaanngorsarneqarnissaalu. Tamatuma aamma iluaqutissartarissavaa naammassisaqarsinnaassuseq annertusineqassammat pisortallu kiffartuussinerisa imminut atanerulernissaat anguneqassalluni.

- Aqutsisoqarfiup nutaap pilersinneratigut Nunatsinni pisortat allaffissornermik pisariinnerusumik ingerlatsilernissaannut sakkussaqarnissaat qulakkeersinnaavarput. Ilisimasanik ataatsimoorussanik aqutsinermilu sakkussanik pisariaqartunik pilersitsinissarput qulakkiissavarput, naalakkersuisoqarfiup pisortarigallagaa Peter Hansen oqarpoq.

Digitalinngortitsinissamut Aqutsisoqarfiup ilaatigut akisussaaffigissavaa pisortat Paasissutissanut Attaqaqatigiinnissamullu iliuusissaata piviusunngortinnissaa, politikkikkullu anguniakkat aallaavigalugit sulliviit pitarlugit suliniutaasut tigussaasut piviusunngortinnissaasa qulakkeernissaat.