Digitalimik isiginnaarsinnaalernissaq kinguartoorpoq
Dekoderit 7.000-it naalakkersuisut Namminersorlutik Oqartussat inissiaataanni atorneqartussatut inniminnerneqartut aappaagu ukiortaap aallartisimalernerani aatsaat tikissapput.
Digital atorlugu tv-kkut isiginnaarsinnaanissamut tigooraassutit, dekoderit, 7000-it adventimi tunissutitut naalakkersuisut qaammatip uuma aallartinnerani nalunaarutigaat. Tigooraassutit Namminersorlutik Oqartussat inssiaataanni tunissutitut nalunaarutigineqarput. Taakualæi adventimi tunissutitut naatsorsuutigineqarsinnaajunnaarput.
- Tigooraassutinik tuniniaasoq nalunaarpoq tigooraassutit ukiortaami sapaatip akunnerata aappaani aatsaat Aalborgip umiarsualivianut anngussinanasut, inissiaatileqatigiiffimmi pisortaq Allan Werge oqarpoq.
Tigooraassutit akilerneqareerput, siumullu akiliutigineqartussaq akilerneqareerluni.
Tigooraassutit Kalaallit Nunaannut nassiunnerat misilittarneqarnissaat atuisussanullu tunniunneqarnissaat ilimagisamit kingusinnerusukkut pisinnaavoq.
Taamaakkaluartoq KNR-TV-kkut isiginnaartartut digital atorlugu sapaatiuppat isiginnaarsinnaanerat aallartissaaq. Isiginnaarsinnaasut tassaapput tigooraassutinik digitalimik isiginnaarsinnaanissamut pigisaqartut, nassitsissutillu antennit ajunngeriarpata isiginnaarsinnaasut.
Pisortat inissiaataanni attartorlutik inigisaqartut digital atorlugu isiginnaarsinnaanissaat aatsaat februarip qaammataani pisinnaassaaq. Uummannap avannaani TV-kkut isiginnaartartut KNR-TV digitaliusoq, ukiup tulliata ingerlanerani isiginnaarsinnaalissavaat.
Digital atorlugu isiginnaarneqarsinnaalersussat tassaapput KNR-TV, DR HD, DR K aamma DR Ramasjang.
Advendtip sapaataani siullermi KNR TV-imi isiginnaartartunut Naalakkersuisut tunissutaat pillugu, Namminersorlutik Oqartussani Ineqarnermut Attaveqarnermullu Naalakkersuisoqarfik oqaaseqartinniarsimagaluarparput iluatsissinnaasimanatiguli.
.