Diamantit nassaarineqartartut alligaluttuinnarput
Nunatsinni diamantit nassaarineqartartut alligaluttuinnarput.
Danskit ujarassiuui ukiut tallimat misissuereerlutik nunatsinni diamanteqarfinnik aalajangiussipput. Canadamiut ujaqqanik erlinnartunik ujaasisarput siornalu diamantit annersaat nassaaraat.
Oqaatigineqarpoq diamantit nassaarineqartut alutornarluinnartuusut, ima alutornartigalutik allaat arnat tamakkuninnga nuannarisaqarluartut tupaallaatigilluinnassagaat.
Ujarassiuut nunatta qaarsoqarfiini diamantinik 1000-inik nassaarput, erseqqissaagineqarporli imaaliallaannaq nassaarineqarsinnaanngimmata.
Diamantit nassaarineqartartut alligaluttuinnarnerat unnersiutigineqarportaaq, Canadamiummi ujarassiuuisa siorna diamanti 3 millimeterisut angissusilik 14 milligrammimillu oqimaassusilik nassaaraat.
Maannalu ujarassiuut neriuutigilerpaat, diamanteqarfiit nassaarineqartartut alliartuinnassappata naggataagut diamantinik tunisassiorfiliortoqaratarsinnaanera.
