Diamantisiorfik isumalluarnartoq
Norgimiut diamantinik misissueqqissaartarfiat Crew Minerals maanna nalunaarpoq, Maniitsup eqqaani, tassa Maniitsumit 120 kilometerinik avannarpasinnerusumi Sarfartup eqqaani diamantimik piiaaffiliortoqarsinnaanera assut isumalluarfigigitsik.
Taamatut isumalluarnerannut pissutaavoq, Crew Minerals-ip ukiormanna misissueqqissaarnerani paasinarsimmat, naatsorsuutigineqaraluartumit annertunerujussuarmik diamanteqartoq. Ukiormanna januaarimi Crew Minerals diamantisiornissamut isumalluarlutik nalunaaruteqarput. Ukiormannalu misissueqqissaarnerup kingorna tassa isumalluarnerat annerulersimavoq.
Naatsorsuutigisatsinniit diamanteqarfik annerujussuuvoq, Crew Mineralsip pisortaa Hans Christian Qvist Norgimi nittartakkaminni Byggaktuelt.no-mi taama allappoq.
Paasissutissanik katersinitsigut diamanteqarfinnik nutaanik isumalluarnartunik nassaarpugut aamma ukiormanna diamanteqarfiusinnaasut nassaarisavut nunarsuarmi diamantisiorfinni ilisimaneqartuni annerpaanut ilaalersinnaapput, Hans Christian Qvist oqarpoq.
