DHL-Stafetimi peqataasussat Tele-Postip ilasariaqarsimavai
Iligiikkuutaarluni arpalluni sukkaniunnermut DHL Tele-Post-Stafettenimut peqataarusullutik nalunaarsimasut sapaatip-akunneri pingasut matuma siornatigut nalunaartut naammalersimasut, Tele-Postip nalunaarutigaa. Nuummili juunip ulluisa tallimaanni arpannissarsuarmut peqataarusullutik saaffiginnissimasut amerlangaarmata, Tele-Postip holdit peqataasinnaasut 35-nik ilasariaqarsimavai.
Allattoq Mads Lynge
juunip 02-at 2014 12:02
Iligiikkuutaarluni arpannermi sukkaniunneq DHL Tele-Post Stafetten soqutigineqaleraluttuinnarpoq, holdillu juunip tallimaani arpannissamut nalunaarsinnaasut 35-nik ilaneqartariaqarsimallutik:
- Holdit nalunaarfissap kingorna nalunaartut taakku inissaqartikkumallugit, aaqqissuussineq allanngortiallattariaqarsimavarput. Qujanartumik tamanna iluatsippoq, stafetimut aaqqissuussisuuneq aammalu Tele-Postimi pisortaanermut allatsi Charlotte Mølgaard, oqarpoq.
Inuit 800-t missaat, holdinut 160-inut agguataakkat, sisamanngorpat juunip ulluisa tallimaanni taamaasillutik ualikkut nalunaaqutaq tallimaniit DHL Tele-Post-Stafettenimut peqataassapput.
