DF oqaatsit pillugit akerliliivoq

Namminersulernissaq pillugu Kalaallit Nunaanni taasisitsisoqassappat, kalaallisut oqalussinnaasuinnaat taasisinnaatitaassappat?

Namminersorneq pillugu isumalioqatigiissitami ilaasortat akornanni tamanna oqallisaavoq, ilaatigut siunnersuutigineqarsimalluni, taamaallaat kalaallisut oqaasillit taasisinnaatitaasariaqartut.

Søren Espersen-ili Dansk folkepartiimeersoq siunnersuummut isumaqataanngilaq. Taanna isumaqarpoq, kalaallisut oqaasillit kisimik qinersisinnaatitaasariaqanngitsut.

Kalaallit Nunani allani najugaqalersimasut, kalaallisut oqalussinnaanertik piinnarlugu qinersisinnaassappata, tamanna Espersen-ip eqqunngitsutut isigaa.

- Erseqqissartariaqarparput, taasisinnaasut tassaassammata danskisut innuttaassuseqartut sivikinnerpaamillu qaammatini arfinilinni kalaallit nunaanni najugaqarsimasut, Søren Espersen ritzau-mut taama oqarpoq.

Namminersorneq pillugu isumalioqatigiissitap septemberip qaammataani nalunaarusiani saqqummiutissavaa.