DF: Fogh Akkari pillugu nassuiaasariaqarpoq

Islamimik upperisallit palaserisimasaat Ahmed Akkari, Narsap Atuarfiani qaammat kingulleq ilinniartitsisutut sulilersoq, Dansk Folkepartimit apeqquserneqarpoq.
Allattoq Najaaraq Egede
septembarip 06-at 2008 12:43

Dansk Folkepartimeersup Martin Henriksenip statsministerimut Anders Fogh Rasmussenimut maanna nassuiaqqulerpaa sooq Akkari sulilersinneqarsimanersoq, taama nutaarsiassaqartitsivik Ritzau allaaserinnippoq.

- Akkari Århusimi Lykkeskolen-imi atuartitsisuutilluni aqqanilinnik ukiulimmut nakuusersimasutut eqqartuussaasimasoq, Narsap Kommuneani ajornaquteqanngitsumik atorfinitsinneqarsimasoq tusarlugu aalaterneqaatigeqaara, Martin Henriksen oqarpoq.

Akkari ukioq 2000-imi meeqqamik atuartumik najami nasartaataanik nusutsisimasumik annersaasimasutut eqqartuunneqarnikuuvoq, inatsisinik unioqqutitseqqikkuni pineqaasinneqartussanngorlugu.

Akkarip Narsami atorfininneratigut, Kalaallit Nunaanni atuartitsineq taama ilungersunartorsiorfiutigereersoq, suli ilungersunarnerulissasoq, Martin Henriksenip aarleqqutigaa.

- Akkarimik atorfinitsitsisimaneq statsministerip Anders Fogh Rasmussenip Namminersornerullutik Oqartussanut saaffiginnilluni nassuiaqqusariaqarpaa, Dansk Folkepartimeersoq oqarpoq.

Narsap Atuarfiani pisortap nalunaarutigereerpaa Akkarip atorfinitsinneqarnera atuartut sulisullu akornanni ajoriffissaqartinneqanngitsoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq