Det Kongelige Teater nunatsinni

Lille Eyolf, Henrik Ibsen-ip isiginnaagassiaa misigissutsinik ersersitsisuusoq, Det Kongelige Teaterimit, Danskit inuiattut isiginnaartitsisartuinit Katuami arfininngormat isiginnaartitsissutigineqarpoq. Taamaalillunilu Kalaallit Nunatsinni kulturikkut neqeroorutaasut amerleriarput, siunertaavormi Katuami isiginnaagassianik takutitsisalernissaat.

Isiginnaartitsereernerup kingorna, isiginnaariat ilaat Jonathan Motzfeldt ilasseqatigiinnermi ilaatigut ima oqarpoq:

- Nuannaarutigeqaara Nunani Avannarlerni Piorsarsimassutsikkut Attaveqaat, NAPA, danskillu inuiattut isiginnaartitsiviat taamatut aaqqissueqatigiisinnaammata.

Isiginnaagassiamik takutitsineq siunissami malitseqartussaasasoq, Michael Christiansen neriorsuivoq. Michael Christiansen ukiuni 16-ini danskit inuiattut isiginnaartitsiviani pisortaareerluni tunualernerminik, Politikenimut ullumi nalunaruteqartoq.

Isiginnaagassiaq alla "Polaroid"-imik taaneqartartoq, Det Kongelige Teaterip Operahusianit aaqqissugaq, septembarip 29-ianni Katuami takutinneqaqqaartussaq, kalaallinit sisamanit peqataaffigineqassaaq, Savalimmiormiumillu ataatsimik aamma peqataasoqassalluni.

Norgemiu Jo Strømgren ilitsersuisuussaaq.