Det Hvide Hus qaartinniarpaat
Båndi immiussiaq atorlugu USA-mi præsidentip illorsuanik qaartartumeerinissaq Al-Qaedap Irakimi immikkoortortaqarfianit nalunaarutigineqarpoq.
Peqqarniisaarniaqatigiit Al-Qaedakkut Muuamaap kinguaavata kingoraartissaatalu ataqqinaataat pigilerusullugu USA-mi præsidentip illorsuanik qaartitsiniarlutik qunusaaripput.
- Sorsunnerup Illernartup immikkoortuisa ilaat naammassimmat alla aallartipparput; Muuamaap kinguaavata kingoraartissaatalu ataqqinaataat kiisalu upperisatta ataqqineqaqqilernissaa angunialerparput, al-Qaedakkut siuttuat Abu Hamza al-Muhajer båndimi immiunneqarsimasumi internetimullu ilineqarsimasumi taama oqarpoq nangillunilu:
- Illunit tamanit minguttunerpaaq qaartinngikkutsigu eqqissinavianngilagut, al-Qaedakkut siuttuat oqarpoq.
Båndi immiussaq ilumut tassannga immiunneqarsimanersoq suli uppernarsarneqanngilaq.